કહેવાય છે ને કે બાળકની રમત પરથી કહી શકાય કે બાળક- મોટું થઈને શું બનશે..? એના જીવનમાં કેવું રહેશે..? આ એવુ બાળક કે જેની રમતજ શ્રીકૃષ્ણની ભક્તિ, નાની વયથીજ પોતાના ઘરની આસપાસના મંદિરના પ્રાંગણમાં કથા-કિર્તન શ્રવણ કરી, માતા પિતાના આશીર્વાદથી તથા રાજા રણછોડની કૃપાથી ભક્તિના-સેવાના માર્ગે આગળ વધવાનું વિચાર્યું અને ૧૭ વર્ષની યુવાન વયે ભક્તજનોને ભક્તિ રસમાં તરબોળ કરતી વાણીથી પ્રથમ કિર્તન પોતાના પડોશમાં શરૂ કરી નાનકડા વ્રજ મંડળની સ્થાપના કરી. જનની ની જોડ સખી નહી જડે રે લોલ” કૃતી ને આત્મસાત કરતા, માતા જ જીવનમાં ખૂબ મહત્વની છે. તેવુ સાબિત કરવા પોતાના નામની આગળ પોતાની માતાનું નામ જોડી અને નામ રાખ્યું “ગીતાસાગર મહારાજ”
સંત શ્રી પુનિત મહારાજના તથા દિવ્યસંતો-ભકતોના આશીર્વાદ થી સમયાંતરે કથા અને કિર્તનના માધ્યમથી લોકોને સાથે ભક્તિ કરતા લોક સેવા અર્થે અને સમાજને કંઈ આપવુ એવા પુનિત વિચારોથી “વ્રજ મંડળની” “વજ સેવા પરિવાર સંસ્થાનમ્’ નામથી સંસ્થાની શરૂઆત કરી. દીકરીના લગ્ન, ગૌમાતાની સેવા તથા ભૂખ્યાને ભોજન વસ્ત્રદાન અનુદાન એજ યુનિત મંત્ર માની કામ કરવાની શરૂઆત કરી. ૨૦૦૭ થી ૨૦૨૨ સુધી ૧૬ વર્ષ દરમ્યાન કુલ ૧૫૫ થી પણ વધુ ભાગવત-દેવી ભાગવત, આનંદ ગરબા કથા, કુંવરબાઈનું મામેરૂ તથા નવદ્યા ભક્તિ સત્સંગ કથા શ્રી ગીતાસાગર મહારાજની વ્યારાવીહે ગુજરાત ના નાના મોટા શહેરો તથા ગામોમાં કરી લોકચાહના મેળવી છે.