રાધે આશ્રમ એ શ્રી બાંકે બિહારીજી ધામ, બોરડી ખાતે નિર્માણ પામતું ૧૦૮ રૂમોનું એક આધ્યાત્મિક અને સંવેદનાપૂર્ણ આશ્રયસ્થાન છે. આ આશ્રમ ખાસ કરીને એવાં વડીલ ભક્તો માટે છે જેમના ઘરમાં ઠાકોરજીએ દીકરો નથી આપ્યો, જેમણે જીવનભર સંતાન વિના જીવન વિતાવ્યું છે, કે જેમની માત્ર દીકરીઓ છે અને જેમને મનમાં એ ચિંતા સતાવે છે કે “મારું ઘડપણ કોણ સંભાળશે?” આવા માતાપિતાઓ માટે રાધે આશ્રમ એ આશા અને સંભાળનું ઘર છે. અહીં રહેવા માટે એક પણ રૂપિયો લેવામાં નથી આવતો. આ સેવા કોઇ દાન-સહાયના બદલે, ભક્તિ અને પ્રેમ પર આધારિત છે. શ્રી બાંકે બિહારીજી પોતે એમના દીકરા બનીને ઘડપણમાં એમનું જીવન ગૌરવપૂર્ણ અને શાંતિમય બનાવે — એ ધ્યેયથી આ આશ્રમ કાર્યરત છે. દરેક રૂમમાં ભક્તિભાવ, સૌમ્યતા અને સત્સંગનું વાતાવરણ રહે એ માટે નિમિત્તમાત્ર સેવા કરવામાં આવે છે.